Петербургга Ўзбекистондан олиб келинган 20 тонна редиска ва карам киритилмади

Фото: ursn.spb.ru

Петербургда Ўзбекистондан катта миқдордаги янги сабзавот маҳсулотларини олиб кириш тақиқланди. Бу ҳақда 26 апрель куни Россельхознадзорнинг Петербург, Ленинград ва Псков областлари бўйича бошқармаси матбуот хизмати хабар берди.

Сабзавотлар Шушари қишлоғидаги вақтинчалик сақлаш омборхонасига жойлаштирилган. Тақиқ сабзавотларда маркировка ва маҳсулот номи йўқ бўлганлиги сабабли қўйилган.

Қайд этилишича, шунинг учун Петербургга қарийб 21 тонна оқ бошли карам, гулкарам ва редискани олиб кириш тақиқланган.

Бундан олдин, Ўзбекистондан Россияга қўл юкида мева-сабзавотлар олиб киришга рухсат берилганди.