Зеленскийнинг инаугурация санаси аниқ бўлди

Фото: РИА Новости / Стрингер

Украинанинг сайланган президенти Владимир Зеленскийнинг инаугурация маросими 20 май куни бўлиб ўтади.

Олий рада мажлисида ушбу қарорни 315 нафар парламент аъзоси қўллаб-қувватлади.

Зеленскийнинг ўзи қасамёд маросими 19 май куни ўтказилишини талаб қилаётганди. Унинг фикрича, амалдаги ҳукумат уни Олий радани қонунчиликда белгиланган муддатда тарқатиб юбориш ҳуқуқидан маҳрум қилиш учун инаугурация кунини ортга суришга уринмоқда.

Аммо ушбу санани фақатгина 207 депутат қўллаб-қувватлади. Аксарият парламент аъзолари Украинада 19 май сиёсий қатағонлар қурбонларини хотирлаш куни бўлгани боис бу санага қарши чиқишди.

Инаугурация сайлов натижалар расман эълон қилинганидан сўнг 30 кун ичида, яъни 3 июнгача ўтказилиши лозим.

Тайёрлаган Дилшод Аскаров

#инаугурация #Володимир Зеленский

2019 йилнинг 31 мартида Украинада президентлик сайловлари ўтказилади. Сайловда иштирок этиш учун 44 номзод, шу жумладан мамлакатнинг амалдаги президенти Пётр Порошенко ҳужжат топширган.