Нигериядаги йўл-транспорт ҳодисасида 18 киши ҳалок бўлди

Фото: tori.ng

Нигерия жануби-ғарбида юк машинаси ва йўловчи автобусининг тўқнашувида 18 киши халок бўлди, деб хабар беради Pulse Nigeria нашри.

Маълум қилинишича, воқеа Ондо штатида 8 июнда юз берган.

Гувоҳлардан бирининг айтишича, юк машинаси ҳайдовчиси бошқарувни қўлдан чиқариб, қарама-қарши йўналишдан келаётган автобус билан тўқнашиб кетган. Шундан кейин иккала транспорт воситасига ўт кетиб, автобусдаги барча йўловчилар ҳалок бўлган.

Полиция маълумотларига кўра, юк машинаси ҳайдовчиси воқеа жойидан қочиб кетган.