Қўшимча функционаллар
-
Тунги кўриниш
Хитой тинчимаётган Ҳонгконг томон ҳарбий техника тортди
Фото: Global Times
Хитой Ҳонгконг билан чегарадош Шэньчжэнь шаҳрига катта миқдорда ҳарбий техника тортди. Бу ҳақда Global Times нашри хабар берди.
Расмий версияга кўра, ҳарбий техника катта кўламли машғулотларни ўтказиш учун келтирилган. Техника учун маҳаллий стадионни ажратишга тўғри келган.
12 августда Хитой давлат кенгашининг Ҳонгконг ва Макао масалалари бўйича девонхона вакили Ян Гуан Ҳонгконгдаги бетартибликлар давомида “террорчилик аломатлари” намоён бўлаётганини айтган.
Июль охирида оқ футболкаларда бўлган бир неча ўнлаб эркаклар намойишчиларга калтаклар билан ҳужум қилганди.
1 июлда эса норозилик намойиши иштирокчилари Ҳонгконг парламентини ўз назоратига олган. Кейинроқ полиция бинони намойишчилардан озод этган.
Ҳонгконг 1842 йилдан 1997 йилгача Британия мустамлакаси бўлган. Айни вақтда у Хитой таркибига махсус маъмурий туман сифатида киради.
Мавзуга оид
19:43 / 27.05.2025
Хитойдаги кимёвий заводда портлаш содир бўлди
18:42 / 26.05.2025
Хитойда роботлар илк бор рингда бир-бири билан олишди
17:57 / 26.05.2025
Хитой «исталган вақтда» Тайванга ҳужум қилишга қодир — FT
13:15 / 26.05.2025