Ўзбекистонда «Росатом» офиси рўйхатдан ўтказилди
«Росатом» давлат корпорацияси ўзининг Ўзбекистондаги офисини рўйхатдан ўтказди. Бу ҳақда «Русатом – международная сеть» атом энергосаноат мажмуаси халқаро ҳудудий тармоғи президенти Александр Мертен Kun.uz мухбири билан суҳбатда маълум қилди.
«Рўйхатдан ўтдик, офисда таъмирлаш ишларини олиб боряпмиз», – деди у.
Тез орада унинг расмий очилиш маросими бўлиб ўтиши кутилмоқда.
Офис Тошкент шаҳри Ойбек кўчасидаги «Ўзатом» биноси ёнида жойлашган. Мертеннинг сўзларига кўра, Тошкентдаги офис «энг катта филиаллардан бири бўлади».
«Офис раҳбари – Уканов Серик Казбекович. Маҳаллий кадрларни танлаб олишни давом эттирамиз», – деди Мертен.
Аввалроқ «Росатом» 2020 йил бошида Ўзбекистондаги биринчи АЭС қурилишини бошлаши хабар қилинганди. АЭС қурилиши учун Жиззах вилояти Фориш туманидаги Тузкон кўли яқинидан жой танланган.
Мавзуга оид
07:41 / 11.09.2024
Ўзбекистонда кичик қувватли АЭС лойиҳаси бўйича ишларни бошлаш тўғрисида баённома имзоланди
11:55 / 05.09.2024
АЭХА раҳбари Гросси: Запорижжя АЭС совитиш минораси келажакда бузиб ташланиши керак
09:51 / 04.09.2024
Гросси: АЭС ҳеч қачон ҳарбий нишонга айланмаслиги керак
15:03 / 03.09.2024