Видео: Александр Кокорин ва Павел Мамаев озодликка чиқишди

Россиялик футболчилар Александр Кокорин ва Павел Мамаев Белгород областидаги колониядан озодликка чиқишди.

Кокориннинг адвокати берган маълумотга кўра, футболчи шу кунларда «Зенит» билан янги шартнома тузди. Унинг сўзларига кўра, Мамаев «Краснодар» билан шартномасини бекор қилмаган ва ушбу клубда ўйнашда давом этади.

#КокоринМамаев Александр и Кирилл Кокорины и Павел Мамаев вышли на свободу pic.twitter.com/p3YkzcZrQT

— СЭ Футбол (@se_football) September 17, 2019

Эслатиб ўтамиз, Кокорин ва унинг укаси Кирилл, Мамаев ва унинг дўсти Александр Протасовицкий 2018 йил 8 октябрь куни Москва марказида 2та муштлашувда иштирок этиб, Минпромторг мулозими Денис Пак ва ҳайдовчи Виталий Соловчукни дўппослашган эди.

8 май куни Москванинг Пресня суди ака-ука Кокоринларни 1 йилу 6 ой, Мамаев ва Протасовицкийни 1 йилу 5 ойлик қамоқ жазосига маҳкум қилди. Улар тергов вақтида колонияда ўтказган вақт ҳам бу муддат ичига киритилганди. Сентябрь ойи бошида эса футболчиларнинг адвокатлари уларни шартли равишда қамоқдан озод қилиш бўйича судга илтимоснома киритишган ва бу илтимоснома қаноатлантирилганди.