Истанбулда Тошкент нархидаги янги хонадон сотиб олишни хоҳлайсизми?

Туркиянинг дам олиш масканлари ва диққатга сазовор жойлари дунё бўйлаб миллионлаб сайёҳларни жалб қилади. Туркияга ташриф буюрувчи хорижликлар орасида нафақат дам олиш, балки ишлаш, ўқиш ёки шунчаки қулайроқ яшаш мақсадида келувчилар ҳам кўпчиликни ташкил қилади. Ахир, Истанбулда яшаш Европанинг бошқа мамлакатларига қараганда анча арзонга тушади. Шундай экан, Истанбулда кўчмас мулк сотиб олишга қандай қарайсиз?

Қуйида Uybor.uz сайти томонидан ишлаб чиқилган, Туркияда кўчмас мулк сотиб олишнинг 5та асосий сабаби келтирилган:

Биринчи сабаб – нарх

Агар сиз Туркияда кўчмас мулк сотиб олиш қимматга айланади деб ўйласангиз, у ҳолда яна бир бор ўйлаб кўринг. Бугунги кунда Тошкентдаги квартираларнинг ўртача нархи 1 м² учун 656 АҚШ долларни ташкил қилади. Аммо, янги иншоотлардаги бундай нархга сотилаётган аксарият квартиралар эса таъмирланмаган. Худди шу нархга сиз Истанбулда таъмирланган хонадонни сотиб олишингиз мумкин.

Келинг, Туркияда сотиб олишингиз мумкин бўлган бир нечта уй-жой вариантларини кўриб чиқамиз:

A) Бейликдузю туманидаги турар жой комплексидаги хонадонлар (Истанбулнинг Европа қисми)

• Қаватлар сони: 27 қаватли бинонинг 4-қаватида;
• Хоналар сони: 3 та;
• Майдони: 155 м²;
• Хонадон ҳолати: таъмирланган ва қурилган ошхона мебели мавжуд;
• Нархи: 65000 АҚШ доллари (1 м² учун 481 АҚШ доллари). 35%лик бошланғич тўловни амалга ошириш билан 36 ойгача бўлган муддатли тўлов асосида  сотиб олиш мумкин.

Тафсилотлар бу ерда.

B) Авджилар туманидаги турар-жой комплексидаги хонадонлар (Истанбулнинг Европа қисми)

• Қаватлар сони: 4 қаватли бинонинг 2-қаватида;
• Хоналар сони: 3 та;
• Майдони: 95 м²;
• Хонадон ҳолати: таъмирланган ва қурилган ошхона мебели мавжуд;
• Нархи: 69300 АҚШ доллари (1 м² учун 729 АҚШ доллари).

Тафсилотлар бу ерда.

Туркиядаги бошқа хонадонларни кўриш учун қуйидаги ҳаволага киринг.

Иккинчи сабаб – муддатли тўлов

Сизни бу ҳайратда қолдириши мумкин, бироқ сиз Туркияда янги қурилган уйларни 36 ҳаттоки 48 ойгача бўлган муддат давомида муддатли тўлов асосида сотиб олишингиз мумкин. Бундан ташқари муддатли тўловни амалга ошириш учун Туркия резиденти ёки фуқароси бўлишингиз шарт эмас. Бу борада сиздан даромадингиз тўғрисидаги маълумотнома ёки банкдан кўчирма ҳам талаб қилинмайди.

Шундай қилиб, агар Бейликдузюдаги 2 хонали уйнинг нархи 65000 АҚШ долларини ташкил қилса, унда сиз 22750 АҚШ доллари миқдоридаги 35%лик бошланғич тўловни амалга оширасиз ва 36 ой муддат давомида ойига 1174 АҚШ доллари тўлайсиз. 

Учинчи сабаб – унумли инвестиция

Туркияда кўчмас мулк сотиб олиш – бу ижара даромади ва кўчмас мулк қийматининг ўсиши шаклидаги даромад келтирувчи узоқ муддатли инвестициядир. Туркия Марказий Банки маълумотларига кўра, 1 м² учун уй- жой нархи 2019 йил июлда Туркияда ўртача 502 АҚШ доллари (2787.33 TL)ни, Истанбулда эса 936 АҚШ доллари (4684 TL)ни ташкил қилган. Экспертларнинг фикрича, ҳозирги кунда Туркияда кўчмас мулк сотиб олиш жуда истиқболли сармоя ҳисобланади.

Айтганча, кўчмас мулк ижарасидан даромад олиш учун инвесторнинг мамлакатда бўлиши муҳим эмас. Бу масала билан кўчмас мулк агентликларининг ўзи шуғулланади, сиз эса, хотиржамгина ижара тўловидан даромад оласиз.

Тўртинчи сабаб – мамлакатда яшаш учун рухсатнома

2018 йилдан бошлаб Туркия хукумати 250 минг АҚШ доллари ва ундан қиммат бўлган кўчмас мулкни сотиб олган хорижликларга мамлакатда яшаш учун рухсатномадан ташқари фуқаролик ҳам тақдим эта бошлаган. Бундан ташқари, яшаш учун рухсатнома кўчмас мулк сотиб олувчининг барча оила аъзоларига берилади.

Бешинчи сабаб – қулай ҳаёт

Эҳтимол, Туркияда уй-жой сотиб олишнинг асосий афзаллиги бу – қулай ва илиқ денгиз иқлими, меҳмондўст ва маданиятимизга яқин бўлган одамлар ҳамда юқори бўлмаган нархлардир.

Қандай қилиб сотиб олиш мумкин?

Уй сотиб олиш учун Uybor.uz  сайтида чет элдаги квартирани танланг  ва телефон тугмачасини босиш орқали эълон муаллифи билан боғланинг.Сиз Туркиядаги халқаро рақамга қўнғироқ қилар экансиз,  вақт бўйича 2 соат фарқ оралиғини ҳисобга олинг (Тошкентда эрталабки соат 8 бўлганда, Истанбулда эрталабки 6 бўлади). Қурилиш фирмаси ёки кўчмас мулк агентлиги сизнинг барча саволларингизга батафсил жавоб беради. Уйни сотиб олиш ва уни ўз кўзингиз билан кўришингиз учун Туркияга боришингиз лозим бўлади. Кўчмас мулк агентлиги сизга уйни кўрсатгач ва танловингиз тўғри эканлигига ишончингиз комил бўлгач, уйни сотиб олиш жараёнларини бошлашингиз мумкин.

Uybor сайти – нафақат Ўзбекистон, балки чет элда ҳам уй-жой сотиб олишингиз, сотишингиз ва ижарага беришингиз мумкин бўлган кўчмас мулк сайтидир. Кўчмас мулкни ақл билан изланг.

Эслатма: Uybor.uz сайти хорижий қурилиш фирмаси ёки кўчмас мулк агентлигининг эълонини жойлаштиришдан аввал унинг бундай фаолият билан шуғулланиш хуқуқини тасдиқловчи хужжатларни текширади. Шунга қарамай, Uybor харидорларга кўчмас мулкни сотиб олиш шартларини диққат билан ўрганиб чиқишни ва тегишли шартномани имзолагач, сотиб олиш билан боғлиқ тўловларни белгиланган тартибда амалга оширишни тавсия қилади.

Реклама ҳуқуқи асосида