Қозоғистон телевидениесида Марказий Осиёдаги биринчи виртуал бошловчи пайдо бўлди (видео)
Қозоғистон телевидениесида виртуал бошловчи пайдо бўлди. У таътил, маош, гримга эҳтиёж сезмайди ва уззукун ишлашга тайёр.
Қозоғистоннинг Atameken Business телеканалида янгиликлар дастуридан бирини виртуал бошловчи олиб боришни бошлади. У Марказий Осиёдаги биринчи виртуал бошловчи бўлди. Бу ҳақда Atameken Business медиахолдингида маълум қилинган.
i-Sanj деб номланган голограмма қозоғистонлик актёр Санжар Мади қиёфасида ишланиб, кундалик иқтисодий янгиликлар блокини олиб боради.
Виртуал бошловчи лойиҳаси устида ишлаган жамоанинг таъкидлашича, ўзига хос мазмундаги янгиликларни технологик персонажлар тақдим қилиши керак. Лойиҳанинг “антиқалиги” ҳам айнан шундан - интеллектуал контент ва янги технологияларни бирлаштиришдан иборат.
Таъкидланишича, кибер-бошловчи i-Sanj янгиликларни тезкор ва бехато ёритишда янги имкониятларни очади. У таътил, маош, гримга эҳтиёж сезмайди ва уззукун ишлашга тайёр.
Телеканал продюсерининг таъкидлашича, телевидениеда драматургия кинодагидан кам бўлмаган даражада муҳим ва виртуал бошловчилар муаллифлик дастурларида инсонлар ўрнини боса олмайди. Лойиҳани нейрон тармоқ ёрдамида маҳаллий дастурчилар кучлари билан амалга оширишга муваффақ бўлинган.
Мавзуга оид
14:28
Ислоҳотларни ҳаётга татбиқ этиш учун президентга 7 йил муддат етарли — Тўқаев
22:02 / 01.10.2024
Қозоғистон Хитойга газ етказиб беришни кўпайтириш учун яна бир газ қувури қурмоқчи
12:50 / 30.09.2024
Қозоғистон ўзбек этномаданий бирлашмалари уюшмаси раиси «Дўстлик» ордени билан тақдирланди
22:16 / 27.09.2024