Тошкент вилоят ҳокимлиги Оҳангарондаги ҳашар юзасидан изоҳ берди

2020 йил 4 март куни Kun.uz сайтида «Тошкент вилоят ҳокимлигига савол: якшанба дам олиш куними ё ҳашар?» сарлавҳали мақола эълон қилинган эди. Унда жорий йилнинг 1 март куни, дам олиш куни бўлишига қарамасдан, Тошкент-Олмалиқ йўли, шунингдек, Оҳангарон шаҳрида ободонлаштириш бошқармаси ходимлари йўлнинг икки ёнида ер ағдариш, дарахтлар ва йўл четларидаги бетон устунчалар, тўсиқчаларни оқлаш, кўчат ўтқазиш каби ишларни бажараётгани ҳақида хабар қилинган эди.