Қўшимча функционаллар
-
Тунги кўриниш
Самарқандда Сиёб каналига тушиб кетган 3 ёшли бола қидирилмоқда
Кеча, 8 март куни Самарқанд шаҳридаги Сиёб каналига тушиб кетган 3 ёшли Беҳруз Бахтиёров қидирилмоқда. Бу ҳақда боланинг отаси ва яқинлари Kun.uz’га хабар қилишди.
Сиёб канали / Фото: Kun.uz
Маълум бўлишича, 8 март куни соат тахминан 10:40ларда 3 ёшли Беҳруз вояга етмаган яқин қариндошлари билан канал ёқасида ўйнаб, сувга тушиб кетган. Воқеадан хабар топган яқинлари тезда Фавқулодда вазиятлар бошқармасига хабар берган.
Боланинг отаси Бобур Тўхтаевга кўра, 8 март куни икки нафар, 9 март куни 18:40гача уч нафар ғаввос сувдан болани излаган, аммо тополмаган.
Самарқанд вилоят Фавқулодда вазиятлар бошқармаси вакилининг Kun.uz’га маълум қилишича, қидирув ишлари давом этмоқда.
«Каналда чиқиндиларнинг ҳаддан ташқари кўплиги қидирув ишларини қийинлаштирмоқда», дейди бошқарма вакили.
Фарзандини йўқотиб, азоб чекаётган Беҳрузнинг отаси ўғлини топиш учун нафақат Фавқулодда вазиятлар бошқармасидан, балки ҳамма самарқандликлардан нажот кутяпти.
Мавзуга оид
08:10 / 21.11.2024
Шавкат Мирзиёев Самарқанд вилоятини ривожлантириш юзасидан йиғилиш ўтказди
08:51 / 20.11.2024
Тўрт туманда 614 млн сўмлик электр ва газдан ноқонуний фойдаланилгани аниқланди
13:49 / 14.11.2024
Самарқандда ўқувчи автобус уриб юбориши оқибатида ҳалок бўлди
09:28 / 08.11.2024