ADWEEK маркетинг ва реклама ҳафталиги қолдирилди

Октябрда ADWEEK тадбирларининг ўтказилиши дастури, қатнашиш шартлари ва жойлари ўзгаришсиз қолади

Фото: ADWEEK

Covid-19 кириб келиши ва тарқалишининг олдини олиш республика махсус комиссияси қарорига кўра, Ўзбекистонда 2020 йил 16 мартдан барча оммавий тадбирлар бекор қилинди.

IV ADWEEK маркетинг ва реклама ҳафталиги ташкилий қўмитаси ADWEEK ўтказилишини 2020 йил 15–17 октябрь кунларига қолдиришга қарор қилди.

Октябрда ADWEEK тадбирларининг ўтказилиши дастури, қатнашиш шартлари ва жойлари ўзгаришсиз қолади. Кўргазма, креатив танлов, маркетинг форуми ва реклама конференциясининг рўйхатдан ўтган барча қатнашчилари автоматик равишда тадбир ўтказиладиган янги муддатларга рўйхатга киритилади.

TAF! креатив танловига ишлар ҳамда маркетинг ва реклама кўргазмасида қатнашишга аризалар қабул қилиш давом этмоқда. "Йил бренди" тақдирлаш маросими май ойида, карантин муддатлари тугагач ўтказилади.

Тайёрлаган Отабек Матназаров

#ADWEEK #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.