23 мартдан тўй ўтказиш тақиқланди. Умумий овқатланиш жойлари ҳам ёпилмоқда

Ўзбекистонда 23 мартдан тўй-ҳашамлар, оилавий тантаналар, маърака ва маросим сингари оммавий тадбирлар ўтказилиши бекор қилинади. Бош вазир матбуот хизматидаги манба Kun.uz’га хабар беришича, коронавируснинг кириб келиши ва тарқалиши олдини олиш юзасидан чора-тадбирлар дастурини тайёрлаш бўйича республика махсус комиссиясининг навбатдаги мажлисида шундай қарор қабул қилинган.