Хитойлик шифокорлар коронавирус ўчоғига айланган Уханни ғолибона тарк этишди (видео)

Айни вақтда Хитойда эпидемик вазият нафақат яхшилангани, балки ҳукумат унинг устидан ғалаба қозонилди, деб эътироф этаётгани ортида шифокорлар яқиндагина вирус сабабли қуршовда бўлган шаҳарни ўз бурчларини тўлиқ адо этганлик ҳисси билан тарк этишган.

Бутун Хитойдан шаҳарга жўнатилган 3700 тиббий ходим эпидемия вақтида ўз ҳаётини хавф остига қўйиб, у ердаги 14 та вақтинчалик госпитал ва 7 та махсус шифохонага кўмак кўрсатган.

Ухан жойлашган Хубэй провинцияси соғлиқни сақлаш ишлари қўмитаси маълумотларига кўра, 21 март ҳолатига, Уханда вирусга чалинганлар сони 50 минг киши атрофида қолган, провинция бўйлаб эса бу кўрсаткич 67800 кишини ташкил қилган.

Охирги бир кун ичида Хитойда вирусга чалиниш бўйича 46 та янги ҳолат, жумладан мамлакат ичида битта ва хориждан келганлар орасида 45 та ҳолат қайд этилган.