Меркелда коронавирус аниқланмади

Коронавирусга чалинган шифокор билан алоқада бўлган Германия канцлери Ангела Меркелнинг коронавирусга топширган иккинчи тести ҳам унда вирус йўқлигини кўрсатди.

Фото: Reuters

Бу ҳақда Германия ҳукумати расмий вакили Штеффен Зайберт маълум қилди.

Меркелга 20 март куни пневмококк инфекциясидан эмдори қилган шифокор коронавирусга чалингани аниқланган. Меркель икки кундан кейин бундан хабар топгач, карантинга кетганди.

Зайбертнинг айтишича, Германия канцлерида коронавирус аниқланмаган бўлса-да, у карантинда қолиб, мамлакатни масофадан бошқаришни давом эттиради.

Тайёрлаган Шуҳрат Раҳимов

#Ангела Меркель #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.