Қўшимча функционаллар
-
Тунги кўриниш
“Дубай Экспо 2020” кўргазмасини бир йилга суриш таклиф қилинди
“Дубай Экспо 2020” (Expo 2020 Dubai) кўргазмасида иштирок этувчи давлатлар коронавирус пандемияси сабабли ташкилотчиларга халқаро кўргазма ўтказилишини бир йилга суриш илтимоси билан мурожаат қилишди.
Бу масала иштирокчи давлатлар ва кўргазма бошқарув қўмитаси вакиллари учрашувида муҳокама қилинган.
Қўмита бу масалани кўриб чиқишга рози бўлган, бироқ кўргазманинг муддатларини кўчириш бўйича якуний қарорни овоз бериш асосида Халқаро кўргазмалар бюроси бош ассамблеяси қабул қилиши кераклигини айтган.
Бир неча кун аввал “Дубай Экспо 2020” офиси ходимларидан бирида коронавирус аниқланиб, у карантинга олинган.
Бунгача кўргазма Дубайда 2020 йил октябрда очилиб, 2021 йил апрелгача давом этиши режалаштирилаётганди. Кўргазма 11 млн кишини жалб қилиши кутилмоқда.
1928 йилда ташкил этилган Халқаро кўргазмалар бюроси кўргазмалар тақвимини тузади, кўргазмалар танлови ва уларни ташкиллаштиришни ўтказади, кўргазмалар ташкилотчилари ўртасидаги ҳамкорликнинг энг яхши шароитларини яратиш учун ҳуқуқий меъёрлар ўрнатади.
Мавзуга оид
00:19 / 28.04.2025
Дубай туристлар учун янги талабларни эълон қилди
09:38 / 26.04.2025
Eco Expo Central Asia: Тошкентда илк бор экологик технологиялар кўргазмаси бўлиб ўтади
14:36 / 25.04.2025
Ўзбекистонликлар БААда жиноят содир этиши кўпайгани сабабли визасиз режим бекор қилиниши мумкин
11:03 / 26.03.2025