«Шунчаки хоҳламайман». Трамп нега тиббий ниқоб тақмаслигига изоҳ берди

Жаҳон соғлиқни сақлаш ташкилотининг таъкидлашича, ниқобни фақат аксираётган ёки йўталаётган ёхуд коронавирус инфекциясини юқтиришда гумонланган инсонга ёрдам бераётганларгина тақишлари лозим.

Фото: AP

АҚШ президенти Дональд Трамп нима учун коронавирусдан ҳимояланиш учун ҳимоя ниқоби тақмаслигига изоҳ берди.

“Биласизми, Овал кабинетда бежирим, буюк Резолют столи ортида ўтириш ва президентлар, бош вазирлар, диктаторлар, қироллар, қироличалар билан ниқоб тақиб олиб саломлашиш.... бу мен учун эмас.

Бу шунчаки тавсия. Ўзимни яхши ҳис қиляпман. Шунчаки ниқоб тақишни хоҳламайман”, деди у.

Трамп шу билан бирга, келгусида бу борада фикрини ўзгартириши мумкинлигини айтди.

Тиббиёт ниқоблари коронавирусдан ҳимояланишда ёрдам бериш-бермаслиги борасидаги баҳслар анчадан бери давом этмоқда. Жаҳон соғлиқни сақлаш ташкилотининг таъкидлашича, ниқобни фақат аксираётган ёки йўталаётган ёхуд коронавирус инфекциясини юқтиришда гумонланган инсонга ёрдам бераётганларгина тақишлари лозим.

Тайёрлаган Дилшод Аскаров

#Дональд Трамп #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.