Бразилияда коронавирус қурбонлари сони 10 мингдан ошди

Бразилия миллий конгресси мамлакатда коронавирусдан вафот этганлар хотирасига уч кунлик мотам эълон қилди.

Фото: REUTERS/Ueslei Marcelino

“Миллий конгресс ўз яқинларини йўқотган ва улар билан муносиб тарзда видолаша олмаган кўп оилалар изтиробини ҳис қилади”, деб айтган парламентнинг қуйи палатаси раҳбари Родригу Майя.

Мотам кунлари Бразилия давлат идораларида ҳар қандай байрам ва хотира тадбирлари ўтказиш тақиқланади, давлат байроқлари тушириб қўйилади.

Сўнгги маълумотларга кўра, мамлакатда коронавирусга чалинганлар сони 156 мингдан ошиб кетди, ундан вафот этганлар 10656 нафарни ташкил қилмоқда.

Мамлакатда умумий вирус юқирганлар сони 156 мингдан ошиб кетди. Бразилия коронавирус қурбонлари сони 10 минг нафардан ошган олтинчи мамлакат бўлди. Бунгача АҚШ (80 037), Британия (31 587), Италия (30 395), Испания (26 478) ва Францияда (26 310) қурбонлар сони 10 мингдан ошганди.

Тайёрлаган Шуҳрат Раҳимов

#Бразилия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.