Ўзбекистонда коронавирусдан зарарланиш ҳолатлари сони 2500га яқинлашмоқда

Соғлиқни сақлаш вазирлиги Ўзбекистонда яна 29 кишида коронавирус инфекциясидан зарарланиш ҳолати қайд этилгани ҳақида хабар берди.

«2020 йил 11 май соат 16:00 ҳолатига кўра, Ўзбекистонда коронавирус инфекцияси қайд этилганлар сони 2482 нафарни ташкил қилмоқда», дейилади вазирлик хабарида.

21 апрелдан бери янги зарарланиш ҳолатлари сони тузалганлар сонидан кам бўлаётганди.

10 май куни бу тенденция бузилиб, жами 69та янги ҳолат аниқланиб, 35 бемор тузалди.

Бугун эса ҳозирча 64та янги зарарланиш ҳолати қайд этилиб, 101 киши тузалди.

Айни вақтгача жами 1982 киши тузалган, 490 бемор шифохоналарда даволанмоқда.