Бангладешда қайиқлар тўқнашуви 30 кишининг ҳаётига зомин бўлди

Бангладеш пойтахти Даққадаги Буриганга дарёсида бир қайиқнинг бошқа йирикроқ қайиқ билан тўқнашувдан кейин тўнтарилиши оқибатида камида 30 киши ҳалок бўлди.

Фото: The Bangladesh Observer

The Bangladesh Observer нашрининг хабар беришича, воқеа маҳаллий вақт билан соат 9:30 атрофида юз берган. Morning Bird деб номланган қайиқ йирикроқ қайиқ билан тўқнашувдан кейин тўнтарилиб кетган.

Охирги маълумотларга кўра, қутқарувчилар воқеа жойида 19 эркак, 8 аёл ва 3 боланинг жасадини аниқлашган. Қайиқда воқеа вақтида 100 га яқин одам бўлган.

Айни вақтда қидирув-қутқарув операцияси олиб борилмоқда. Қурбонлар сони ошиши мумкин.