Bangladeshda qayiqlar to‘qnashuvi 30 kishining hayotiga zomin bo‘ldi

The Bangladesh Observer nashrining xabar berishicha, voqea mahalliy vaqt bilan soat 9:30 atrofida yuz bergan. Morning Bird deb nomlangan qayiq yirikroq qayiq bilan to‘qnashuvdan keyin to‘ntarilib ketgan.  

Oxirgi ma'lumotlarga ko‘ra, qutqaruvchilar voqea joyida 19 erkak, 8 ayol va 3 bolaning jasadini aniqlashgan. Qayiqda voqea vaqtida 100 ga yaqin odam bo‘lgan.

Ayni vaqtda qidiruv-qutqaruv operatsiyasi olib borilmoqda. Qurbonlar soni oshishi mumkin.