«Коронавирус йўқ нарса» – Германияда карантинга қарши намойишлар ўтказилди

Германия пойтахти Берлинда 20 мингдан ортиқ одамлар карантинга қарши намойишда қатнашди. Уларнинг аксари «Ноодатий фикрловчилар» ҳаракати аъзолари бўлган. Улар оралиқ масофани сақламасликларини очиқчасига айтиб, карантинга амал қилмасликларини билдиришди. «Биз – иккинчи тўлқинмиз» деб қичқирган намойишчилар.

Unmasked and packed together, thousands of demonstrators marched in Berlin against the government’s latest coronavirus measures https://t.co/DBL1cxlOKU pic.twitter.com/ej8d1TFKZJ

— Reuters (@Reuters) August 1, 2020

Берлин кўчаларига чиққанлар «Коронавирус бўлмаган нарса», «Эмлаш ўрнига табиий ҳимоя», «Оғзимизни ёпишга мажбур қилишмоқда» ёзувлари бўлган баннерлар кўтаришди. Ҳуқуқ тартибот органлари намойишларни тинчитишга уринишмади ва ташкилотчилардан бу карантинга қарши эканини, намойишни тўхтатишни сўрашди. Улар тинчимагач, полиция аралашишга мажбур бўлди.

«Улар карантинга қарши курашдаги барча ишларимизни чиппакка чиқаришмоқда. Минглаб вирус юқтирганлар ўзларини иккинчи тўлқин деб аташмоқда. Бу иқтисодни тиклаш борасидаги қилаётган ишларимизни ҳам йўққа чиқаради», деган социал-демократлар партияси етакчиларидан бўлган Заския Эскен.

Бугунгача Германияда 211 мингдан ортиқ одам коронавирус юқтирган. Улардан 193 мингдан ортиғи тузалган бўлса, 9 226 нафари вафот этган. Бутун дунёда эса коронавирус юқтирганлар сони 18 миллионга яқинлашди.