«Ривожланган давлатлар мутахассислари билан тажриба алмашиш ҳозирги кун талаби» – штаб аъзоси

«Пандемия тез ривожланаётганлиги сабабли бутун дунё олимлари бир жойда тўхтамаяптилар, улар доимий изланишдалар. Вируснинг янги қирралари ҳамда янги даволаш усуллари устида мунтазам иш олиб борилмоқда. 

Ҳозирги кунга келиб, касаллар сони, унинг кечиши ўзгариб бораётганлиги, шунингдек, ЖССТ тавсиялари ҳам мос равишда ўзгараётганлиги сабабли жараёнлар ҳам ўзгариб бориши табиий.

Ҳар бир давлат тавсияларни маҳаллий шароитларга мослашган ҳолда ишлаб чиқади ва ҳар қандай вақтда уни тўлдириши ёки ўзгартириши мумкин. Шунинг учун ривожланган мамлакатларнинг малакали мутахассислари билан мунтазам тажриба алмашиниб туриш ҳозирги кун талаби ҳисобланади», - деди у.

Бундан ташқари, ҳозир эпидемиологик вазият бир мунча яхшилангани ва карантин талаблари юмшатилганига қарамай, нима учун туғруқ даврида оила аъзоларидан бири ҳомиладорга ҳамроҳлик қилишга рухсат берилмаётганига ҳақида ҳам маълумот берилди.

«Туғруқ вақтида ҳамроҳлик нормал шароитларда маъқулланса ҳам эпидемиологик вазиятни ҳисобга олган ҳолда чекланиши керак. Ҳомиладор аёлларга оила аъзолари ва яқинлари билан алоқада бўлиш учун турли хил видеоалоқа воситалардан фойдаланиш тавсияси қилинади. Ушбу чоралар касаллик тарқалишининг олдини олиш мақсадида қўлланилади», - деди Барно Абдусаматова.