ССВ: Ўзбекистонда коронавирусга чалинганлар 40 мингдан, даволаниш 90 фоиздан ошди

Хабар қилинишича, кун давомида 579 бемор соғайиб, яна 6 киши вафот этди. Тузалганлар 36 562 нафар, қурбонлар 293 нафарни ташкил этмоқда.

Янги ҳолатлар (+390)

Вазирлик хабарига кўра, янги ҳолатларнинг барчаси тана ҳарорати кўтарилгани боис профилактика мақсадида тест топширган ва коронавирусга чалинган беморлар билан мулоқотда бўлгани сабабли намуна олинган фуқаролар орасида аниқланган.

• Тошкент шаҳри – 269
• Тошкент вилояти – 98
• Самарқанд вилояти – 8
• Сурхондарё вилояти – 6
• Наманган вилояти – 5
• Андижон вилояти – 4

Тузалганлар (+579)

40 054 бемордан 36 562 нафари соғайиб, даволаниш кўрсаткичи биринчи марта 91 фоизга етди.

• Тошкент шаҳри – 428
• Тошкент вилояти – 115
• Самарқанд вилояти – 13
• Наманган вилояти – 11
• Сурхондарё вилояти – 6
• Андижон вилояти – 4
• Қорақалпоғистон – 2

Ўлим ҳолатлар (+6)

Расмий статистикада қайд этилган ўлимлар сони 293тага етди. Ўлим кўрсаткичи расман 0,7 фоиз бўлиб қолмоқда.

• Олмазор туманида яшаган 81 ёшли М.И. (эркак)
• Мирзо Улуғбек туманида яшаган 73 ёшли Д.И. (аёл)
• Самарқанд шаҳрида яшаган 38 ёшли Х.Қ. (эркак)
• Самарқанд вилояти юқумли касалликлар шифохонасида даволанган 58 ёшли Эрон Ислом Республикаси фуқароси Б.С. (эркак)
• Чилонзор туманида яшаган 79 ёшли В.Я. (эркак)
• Олмазор туманида яшаган 73 ёшли М.К. (аёл)

Айни пайтда тиббиёт муассасаларида даволанаётган 3 199 нафар бемордан 294 нафари оғир, 139 нафари эса ўта оғир аҳволда.