Садир Жапаров Қирғизистон бош вазири этиб тасдиқланди

Қирғизистон парламенти Садир Жапаров бошчилигидаги вазирлар маҳкамасининг янги таркибини тасдиқлади. Бу ҳақда РИА Новости хабар бермоқда.

 Хабарда айтилишича, парламент йиғилишида йиғилганларнинг барчаси Жапаров номзоди ҳамда у таклиф этган ҳукумат таркибини ёқлаб овоз берган.

 6 октябрь куни парламент аъзоларининг бир қисми бош вазирликка  Садир Жапаров номзодини маъқуллаб овоз берганди.

5 октябрь куни Бишкекда ҳукуматни қўллаб-қувватловчи икки партия ғолиб чиққан парламент сайловлари натижаларига қарши намойишлар бошланди. Намойишлар тартибсизликлар ва полиция билан тўқнашувларга айланиб кетди. Бир неча юз киши жароҳат олди, бир киши ҳалок бўлди.

 9 октябрь куни Қирғизистон президенти Сооронбай Жээнбеков Кубатбек Бороновни бош вазир вазифасидан озод қилди.