Трамп сайловлар туфайли АҚШ Киберхавфсизлик агентлиги директорини ишдан бўшатди
АҚШнинг амалдаги президенти Доналд Трамп 17 ноябр куни мамлакат ички хавфсизлик вазирлигининг киберхавфсизлик ва инфраструктура хавфсизлиги агентлиги бошлиғи Кристофер Кребсни вазифасидан озод қилди.
“Крис Кребснинг 2020 йилдаги сайловлар юзасидан берган баёноти жуда ноаниқ бўлди. Сайловларда кўплаб қоидабузарлик ва фирибгарликлар бўлди: «ўлик овозлар», кузатувчиларнинг сайлов участкаларига киритилмаслиги, номзодлар учун берилган овозларни сановчи машиналарда юзага келган носозликлар, кеч овоз бериш ва шу кабилар. Шунинг учун, Крис Кребс айни вақтдан бошлаб киберхавфсизлик ва инфраструктура хавфсизлиги агентлиги директори лавозимидан бўшатилди”, – деб ёзади Трамп ўзининг твиттер саҳифасида.
Шунингдек, Трамп чет давлатларнинг АҚШдаги сайловларга аралаша олиш имкони бўлмагани, улар хавфсизлигининг ягона жиҳати бўлганини таъкидлаган.
Аввалроқ, Reuters агентлиги Кребс вазифасидан озод қилиниши кутилаётганини маълум қилган эди. Маълумотларга кўра, агентлик томонидан сайловлар вақтида дезинформацияга қарши курашиш учун сайт яратилган. Ушбу сайтда «АҚШ Демократик партияси сайлов натижаларини оммавий равишда сохталаштиришга алоқадорлиги тасдиқлангани» рад қилинган. Оқ Уй гўёки ушбу маълумотни таҳрирлашни ёки ўчириб ташлашни талаб қилган, Кребс етакчилик қилаётган агентлик эса бу талабни рад қилган.
Мавзуга оид
23:25 / 20.09.2024
АҚШ президентлигига номзодлар хавфсизлиги кучайтирилиши мумкин
18:08 / 20.09.2024
Америкада эркак 18 йил бировнинг “свет”ига пул тўлаб келгани аниқланди
12:30 / 20.09.2024
АҚШ Россия ва КХДРнинг бешта юридик ва жисмоний шахсига қарши санкциялар киритди
10:28 / 20.09.2024