Янги миллий табиат боғи ва давлат қўриқхонаси ташкил этилади

Муҳофаза этиладиган табиий ҳудудлар майдонини кенгайтириш, моддий-техник базасини мустаҳкамлаш ва уларнинг ҳудудларида экотуризмни ривожлантириш мўлжалланмоқда. Бу ҳақда 2021 йилдаги давлат дастури лойиҳасида айтилган.

Вазирлар Маҳкамасининг қарори лойиҳаси ишлаб чиқилади. Лойиҳада:

“Марказий Қизилқум” миллий табиат боғи, “Оқтоғ (Томди)” давлат қўриқхонаси ташкил этиш;
“Жанубий Устюрт”, “Марказий Қизилқум” миллий табиат боғлари, Судочье-Акпетки давлат буюртма қўриқхонасининг моддий-техник базасини мустаҳкамлаш ва экотуризмни ривожлантириш назарда тутилади.

Бажариш муддати - 2021 йил 1 декабрь, масъуллар - Давлат экология қўмитаси, Молия вазирлиги, Ўрмон хўжалиги давлат қўмитаси, Фанлар академияси, Давлат солиқ қўмитаси қошидаги Кадастр агентлиги, манфаатдор вазирлик ва идоралар, Қорақалпоғистон Республикаси Вазирлар Кенгаши, вилоятлар ҳокимликлари.