Туркияда "Спутник V" вакцинаси ишлаб чиқарилади

Россия тўғридан тўғри инвестициялар фонди Туркияда "Спутник V" коронавирусга қарши вакцинасини ишлаб чиқаришга келишиб олди, деб хабар берди ТАСС.

 "РТТИФ Туркиянинг фармацевтика маҳсулотлари ишлаб чиқарувчи етакчи корхонаси билан Туркияда Sputnik V вакцинасини ишлаб чиқариш бўйича келишув имзолади", - дейилади хабарда.

 Қайд этилишича, йилига бир неча миллион доза вакцина ишлаб чиқарилади, келгусида ишлаб чиқаришни кенгайтириш эҳтимоли муҳокама қилинмоқда. 

 Фонднинг маълумот беришича, вакциналар Туркия ички бозорига ҳамда бошқа мамлакатларга етказиб берилади.

"Спутник V" вакцинаси Россия, Венгрия, Беларус, Аргентина, БАА, Сербия, Боливия, Жазоир, Фаластин, Венесуэла, Парагвай ва Туркманистонда рўйхатдан ўтказилган.