ЖССТ Бразилиядаги коронавирус билан боғлиқ вазиятдан хавотир билдирди

Сўнгги маълумотларга кўра, мамлакатда бир кун ичида 2300га яқин киши коронавирус оқибатида вафот этган.

Фото: AP

Жаҳон соғлиқни сақлаш ташкилоти Бразилияда коронавирус билан боғлиқ ўлимлар сони ўсишидан хавотир билдирди.

"Бразилияга жиддий тусдаги ижтимоий чоралар зарур. Ҳукумат мамлакатдаги вазият, қандай чоралар кўрилиши ҳақида аниқ маълумот бериши даркор. Жараён аҳолини жалб этган ҳолда бутун соғлиқни сақлаш тизимини қамраб олиши лозим", дейилади ЖССТ томонидан.

Сўнгги маълумотларга кўра, мамлакатда бир кун ичида 2300га яқин киши коронавирус оқибатида вафот этган. Бразилия ҳукумати коронавирус тарқалишини тўхтатиш мақсадида Россиянинг "Спутник V" вакцинасини сотиб олиш бўйича шартнома имзолади. Мамлакатга апрелдан бошлаб . 10 миллион доза вакцина келтирилади.

Бразилияда коронавирус юқтирганлар сони 22 миллиондан ошган, 270 мингдан ортиқ киши касалликдан вафот этган. Ушбу кўрсаткичлар бўйича мамлакат дунёда АҚШдан кейин иккинчи ўринда турибди.

Аммо Бразилия президенти Жаир Болсонару вазият жиддийлигини инкор этиб келмоқда.

Тайёрлаган Дилшод Аскаров

#Бразилия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.