Индонезиянинг йўқолиб қолган сувости кемаси парчалари топилди
Қутқарувчилар сувости кемасининг торпедо аппарати бўлаклари, перископни мойлаш идиш ва экипаж аъзоларининг жойнамозларини топишган.
Қидирув-қутқарув гуруҳлари шу ҳафтада йўқолиб қолган Индонезиянинг KRI Nanggala-402 сувости кемасининг парчаларини топди. Бу ҳақда Индонезия ҳарбий-денгиз кучлари штаби бошлиғи адмирал Юдо Маргоно маълум қилди.
"Сувости кемаси ҳалокатга учраганини исботловчи далилларни ҳисобга олиб, у йўқолиб қолди босқичидан чўкиб кетди босқичига ўтказилди", - деди у.
Адмиралнинг аниқлик киритишича, қутқарувчилар хусусан, торпедо аппарати бўлаклари, перископни мойлаш идиш ва экипаж аъзоларининг жойнамозларини топишган.
KRI Nanggala 402 билан алоқа у 21 апрелда Бали ороли яқинидаги машғулотлар вақтида шўнғиш учун рухсат олгандан 1,5 соат ўтиб йўқолганди.
Унинг бортида 53 киши, жумладан, кема сардори, экипажнинг 49 аъзоси ва қурол бўйича 3 нафар мутахассис бўлган.
Мавзуга оид
23:16 / 29.08.2024
Ҳиндистонда иккинчи атом сувости кемаси фойдаланишга топширилди
23:09 / 24.08.2024
Туркия денгиз флоти янги турдаги олтита маҳаллий сувости кемасига эга бўлади
15:02 / 20.08.2024
Австралия ва Индонезия мудофаа тўғрисида шартнома тузди
20:58 / 03.08.2024