Қўшимча функционаллар
-
Тунги кўриниш
Ҳиндистонда 16 кишини ўлдирган фил қидирилмоқда
Фото: Pixabay
Ҳиндистоннинг Жаркханд штатида филлар тўдасидан қувилган фил икки ой ичида 16 кишини ўлдирди, деб хабар бермоқда Daily Mail нашри.
Фил май ва июн ойида қатор ҳужумлар содир этган. Бундай ҳужумлардан охиргиси 22 июнда юз берган: тонгга яқин кўчага чиққан кекса жуфтлик фил ҳужуми қурбонига айланган.
Маълум қилинишича, фил одамлар уйларига бостириб кирмаган ва фақат унга жуда яқин келган ёки йўлидан чиқиб қолган одамларни ўлдирган.
Маҳаллий ўрмон хўжалиги ходими Сатиш Чандра Райнинг таъкидлашича, ҳужумларни 15–16 ёшли фил содир этмоқда. «Эҳтимол, филда куйикиш даври бошланган ва у урғочи филлар учун курашда ўзини ҳаддан зиёд тажовузкор тутгани учун тўдадан қувилган бўлиши мумкин», деб айтган мутахассис.
Ҳозирча филни ушлашнинг иложи бўлмаган. Бироқ ўрмон хўжалиги ходимлари фил ўз тўдаси билан бирлашиш илинжида унинг ортидан бораётганини аниқлашган.
Мавзуга оид
21:17 / 10.04.2025
Apple Трамп тарифларини четлаб ўтиш учун Ҳиндистондан 1,5 миллион дона iPhone олиб чиқади
22:59 / 07.04.2025
Ҳиндистонда сохта кардиожарроҳ 15 кишини операция қилди. Камида етти бемор вафот этди
20:44 / 01.04.2025
Ҳиндистон Трампнинг «иккиламчи божлар» таҳдидидан сўнг Россия нефтига муқобил излашни бошлади
22:09 / 26.03.2025