Қўшимча функционаллар
-
Тунги кўриниш
Россия танклари Тожикистон-Афғонистон чегарасидаги полигонга етиб келди
Аввалроқ Афғонистон чегарасидан 20 км узоқликда жойлашган Ҳарб-Майдон полигонида 5 августдан 10 августгача Россия, Ўзбекистон ва Тожикистон ҳарбийлари иштирокида ўқув машғулотлари ўтказилиши маълум қилинганди.
Россия танкчилари 200 километр йўл босиб, Афғонистон билан чегара яқинидаги Тожикистоннинг Ҳарб-Майдон полигонига етиб келди. Улар Россия, Ўзбекистон ва Тожикистоннинг қўшма машғулотларида иштирок этади, деб хабар берди ТАСС.
Хабарда айтилишича, полигонга 50 бирликка яқин Россия ҳарбий техникаси келтирилган.
Аввалроқ Россия мудофаа вазирлиги Афғонистон чегарасидан 20 км узоқликда жойлашган Ҳарб-Майдон полигонида 5 августдан 10 августгача Россия, Ўзбекистон ва Тожикистон ҳарбийлари иштирокида ўқув машғулотлари ўтказилишини маълум қилганди.
Айни вақтда Афғонистонда хорижий қўшинлар олиб чиқилиши ортида “Толибон” ҳаракатининг фаоллашуви кузатилмоқда. “Толибон” раҳбарияти Афғонистон ҳудудидан Марказий Осиё давлатлари ва Россияга ҳужум қилиш учун фойдаланишга йўл қўймасликка ваъда бераётганига қарамай, Афғонистондаги жанговар ҳаракатлар қўшни давлатлар ҳудудига ўтиши мумкинлиги билан хавф солмоқда.
Мавзуга оид
16:34 / 17.11.2024
Болалар омбудсмани ёш болалар хивчин билан савалангани акс этган видеога муносабат билдирди
12:26 / 15.11.2024
Роғун ГЭСдаги авария оқибатида 3 киши ҳалок бўлди
19:32 / 31.10.2024
Тожикистон президенти ижтимоий тармоқлардаги «лайк» учун одамларни таъқиб қилмасликни талаб этди
14:16 / 31.10.2024