Афғонистонда БМТ қароргоҳига ҳужум қилинди

Афғонистоннинг Ҳирот шаҳрида БМТ қароргоҳига ҳужум қилинди. Бунинг оқибатида бир афғон полициячиси ҳалок бўлди, бир неча зобитлар яраланди. Бу ҳақда БМТнинг Афғонистонга кўмак кўрсатиш миссияси маълум қилди.  

БМТ қароргоҳи гранатомёт ва артиллерия зарбасига учраган, ходимлардан бирортасига шикаст етмаган.

“БМТ қароргоҳига ҳужум қилиниши афсусланарли ҳолатдир ва биз уни қатъиян қоралаймиз. Бизнинг ўйлар ҳалок бўлган зобит оиласи билан ва яраланганларга тезроқ соғайиб кетишларини тилаб қоламиз”, деб айтган миссия раҳбари Дебора Лайонс.

У шунингдек, ҳужумга алоқадорлар аниқланиб, жавобгарликка тортилиши кераклигини айтган.

Таъкидланишича, ҳужум юз берган ҳудудда 30 июлда “Толибон” ва ҳукумат қўшинлари ўртасида тўқнашувлар борган.