Японияда коронавирус бўйича фавқулодда вазият бутунлай бекор қилинади

Ҳозирда мамлакатдаги 47та префектурадан 19тасида фавқулодда вазият режими амал қилмоқда.

Фото: AP

Япония бош вазири Ёсихидэ Суга мамлакатда 30 сентябргача амал қиладиган коронавирус бўйича фавқулодда вазият режими бутунлай бекор қилинишини айтди. Бу ҳақда NHK телеканали хабар берди.

Ҳозирда мамлакатдаги 47та префектурадан 19тасида фавқулодда вазият режими амал қилмоқда. Яна саккизта префектурада коронавирусга қарши курашиш бўйича кучайтирилган чоралар режими жорий этилган.

Қайд этилишича, барча префектураларда коронавирус юқтириш ҳолатлари ва оғир ҳолатлар сони ҳамда тиббий муассасаларга юкламалар чекловларни бекор қилишга имкон берадиган даражага тушган.

Чекловлар босқичма-босқич олиб ташланиши айтилмоқда.

Тайёрлаган Дилшод Аскаров

#Япония #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.