Миллий банк 10 миллиард рубллик облигациялар жойлаштиради

«Совкомбанк» ОАЖ, «Газпромбанк» АЖ, «Росселхозбанк» АЖ ва «Азия-Инвест Банк» АЖ Ўзбекистон Ташқи иқтисодий фаолият миллий банки (Миллий банк) томонидан Россия рублидаги облигацияларнинг биринчи эмиссияси ташкилотчилари сифатида иштирок этади.

Тегишли битим 29-30 сентябрь кунлари Тошкентда бўлиб ўтаётган «Ўзбекистон: иқтисодий ислоҳотлар натижалари ва истиқболлари» форуми доирасида банклар томонидан имзоланди, деб хабар берди «Совкомбанк».

«Биз Миллий банкка облигация заёмлари ташкил этиш борасида ўз тажрибамиз ва тўпланган экспертизамизни таклиф қилишга тайёрмиз. Ишончим комилки, Ўзбекистон банкининг Россия бозоридаги дебюти муҳим воқеа бўлади ва республика молия сектори, умуман, иқтисодиётининг фаол ривожланиши яна бир далилига айланади», деди «Совкомбанк» бошқаруви раиси ўринбосари, корпоратив инвестициялар бўлими бошлиғи Михаил Автухов.