Малика Диананинг Лондондаги собиқ хонадони туристик объектга айлантирилди

Малика Диананинг Лондондаги собиқ хонадони туристик объектга айлантирилди. Бу ҳақда “Англия мероси” фонди хабар берди.

“Диана лондонликлар қалбидан алоҳида жой олганди ва ҳозир ҳам қалбимизда”, – деди Лондон ассамблеяси раҳбари Эндрю Бофф.

Хабар қилинишича, Диана ушбу хонадонни бувисидан мерос қолган пул эвазига 50 минг фунт стерлингга сотиб олган.

У 1980 йилда шаҳзода Чарлз билан учраша бошлаган, бир йилдан сўнг эса улар турмуш қурган.

Диана шаҳзода Чарлз билан унаштирилганидан кейин уйни сотиб юборишган.

Аввалроқ малика Диана ва шаҳзода Чарлзнинг тўйидаги торт бўлаги кимошди савдосида 2565 долларга сотилганди. Британия қироллик оиласида хизмат қилган оқсоч торт бўлагини узоқ йиллардан буён сақлаб келган.