Қўшимча функционаллар
-
Тунги кўриниш
Microsoft раҳбари компаниядаги улушининг ярмини сотди
Таҳлилчилар бу Вашингтон штати йилига 250 минг доллардан ортиқ капиталга солиқ жорий этишни режалаштираётгани билан боғлиқ деган фикрда.
Microsoft бош директори Сатя Наделла ўзига тегишли компания акцияларининг ярмини сотди, деб ёзмоқда The Wall Street Journal.
Қайд этилишича, Наделла икки кун ичида 1,7 млн дона акциясидан 838 минг 584 донасини 285 млн долларга сотган.
Таҳлилчилар бу Вашингтон штати йилига 250 минг доллардан ортиқ капиталга солиқ жорий этишни режалаштираётгани билан боғлиқ деган фикрда.
Бу Наделла учун энг йирик акция сотуви ҳисобланади, деб ёзади InsiderScore. InsiderScore директори Бен Силверманнинг фикрича, энг бой одамлар акцияларини сотиш орқали солиқ кодексидаги ўзгаришлардан илгарилаб кетмоқда. У ноябрь бошида акцияларини сотишни бошлаган Tesla ва SpaceX асосчиси Илон Маскни бунга мисол қилиб келтирди.
Наделла Microsoft компаниясига 2014 йилдан раҳбарлик қила бошлаган. Ҳозирда Microsoft капитализацияси 2,5 трлн доллардан ошади. Наделла бош директор бўлганидан буён компания нархи 780 фоизга ошган, дея аниқлик киритади WSJ.
Мавзуга оид
00:16 / 24.05.2025
Microsoft аниқ об-ҳаво башоратлари учун Aurora сунъий интеллект моделини тақдим этди
18:01 / 05.05.2025
Microsoft компанияси Skype’ни ёпди. Мессенжер 20 йилдан ортиқ фаолият юритди
20:55 / 09.04.2025
Microsoft дунёнинг энг қиммат компаниясига айланди
14:18 / 02.03.2025