«Бизга ваҳима керак эмас» — Зеленский Байденнинг огоҳлантиришига жавоб қайтарди

Украина президенти Владимир Зеленский ҳозирда россиялик ҳарбийлар яқин келган Украина чегараларидаги вазият етарлича кескинлиги, аммо ўтган йилдагидан кескинроқ эмаслигини, шу туфайли хорижий етакчи сиёсатчилар россияликлар бостириб кириши муқаррар экани ҳақида гапиришларини истамаслигини айтди. Зеленский АҚШ президенти Жо Байден билан телефон мулоқотидан кейин журналистларни йиғган, мулоқот вақтида америкаликлар раҳбари Россия томондан тажовуз хавфи реаллиги ҳақида огоҳлантирганди.