Ўзбек аёллари: Бир асрлик фотожамланма

Ўтган асрда Ўзбекистонда кўплаб зиёли ва олима аёллар етишиб чиқиб, халқ хўжалигининг деярли барча соҳаларида фаолият юрита бошладилар. Бироқ хотин-қизларнинг мутлақ кўпчилиги қишлоқ хўжалигида – пахта териш, пилла етиштириш, трактор ҳайдаш билан банд эди; кези келганда фронт ортида ҳам меҳнат қилишди. Kun.uz Ўзархив агентлиги билан ҳамкорликда ўзбек аёллари тасвирланган советлар даври фотосуратлари жамланмасини тақдим этади.

Аёллар таълим курслари. Бухоро. 1928 йил / Фото: ЎзАрхив

Ерга ишлов бериш. Тахта Орол. 1930/1931 йил / Фото: ЎзАрхив

Тошкент чарм заводи химиги Малика Булатова завод лабораториясида таҳлил ўтказиш жараёнида. Тошкент шаҳри. 1937 йил / Фото: ЎзАрхив

Саводхонлик мактаби. Қорақалпоғистон. 1938 йил / Фото: ЎзАрхив

Қуйи Чирчиқ районидаги энг яхши Х-коллектор қурилиш ишчилари ўз ишидаги яхши кўрсаткичлари учун мукофотлар билан тақдирланган. Тошкент вилояти. 1939 йил / Фото: ЎзАрхив

Қуйи Чирчиқда Х-коллектор қурилиш майдончасида тупроқ ишлари. 1939 йил / Фото: ЎзАрхив

Қибрайдаги Салар ГЭСи қурилиши ишчилари: З.Каламова, И.Азимова, О.Володина, С.Гилясова. Тошкент вилояти. 1943 йил / Фото: ЎзАрхив

Андижон вилояти Избоскан тумани Будёний номли колхоз ишчилари. Андижон вилояти. 1945 йил / Фото: ЎзАрхив

Самарқанд вилояти Паяриқ туманидаги Дмитров номли колхоз звено бошлиғи Зулфия Юнусова навбатдаги пахта суғориш ишларини олиб бормоқда. 1946 йил / Фото: ЎзАрхив

Иса Одилова – Тошкентдаги 1-сонли аёллар ўрта таълим мактаби биринчи синф ўқитувчиси бошланғич синф ўқувчиларига дарс бериш жараёнида. 1947 йил / Фото: ЎзАрхив

Маликахон Ҳамдамова – Фарғона вилояти Каганович районидаги Калинин номли колхоз пахта теримчиси, иш устида. Фарғона вилояти. 1950 йил / Фото: ЎзАрхив

Фотима Турахўжаева – Тошкент таксамотор парки ҳайдовчиси ЭФ-09-41 рақамли автомашинаси олдида. Тошкент шаҳри. 1953 йил / Фото: ЎзАрхив

Л.Кдиралиева – олтинчи синф ўқувчиси, “Қирқ қиз” халқ ансамблининг энг ёш иштирокчиси. Қорақалпоғистон. 1970 йил / Фото: ЎзАрхив

Ўзбекистон Гостелерадиоси болалар хори яккахон ижрочилари, опа-сингил Алимжоновалар. Тошкент шаҳри 24-мактаб 2-синф. 1982 йил / Фото: ЎзАрхив

“Ўзбекистон” киностудиясида суратга олинган “Уйғониш” фильми қаҳрамонини ижро этган “ВГИК” 4-курс талабаси Д.Эгамбердиева. Тошкент шаҳри. 1982 йил / Фото: ЎзАрхив

“Ўзбекистон” колхозидаги сайёр кутубхона мудираси – К.Йўлдошева. Фарғона вилояти. 1983 йил / Фото: ЎзАрхив

Бахри Акрамова (Шомаҳмудова) – Улуғ Ватан уруши йиллари 15 нафар етим болаларни ўз тарбиясига олган қаҳрамон аёл. Тошкент шаҳри. 1986 йил / Фото: ЎзАрхив

Қарши тумани Кожар қишлоғида истиқомат қилувчи 100 ёшли Зумрад момо Жумаева невара ва аваралари даврасида. Қашқадарё вилояти. 1990 йил / Фото: ЎзАрхив

Навбаҳор туманидаги Навбаҳор қишлоқ хўжалиги корхонаси теримчи қизлари пахта далаларида. Навоий вилояти. 1999 йил / Фото: ЎзАрхив

Бугунги кунда аёлларни ижтимоий қўллаб-қувватлаш, уларнинг таълим олиши учун турли кўринишдаги рағбатлантиришлар берилмоқда. Бироқ ҳали ҳам жамиятда ишсиз, уй-жойсиз аёллар, оила аъзолари томонидан зўравонликларга учраётган, боласининг алимент пулини ололмаётган оналар, қишлоқларда газсиз овқат пишириб қишни ўтказаётган аёллар талайгина.