«Аэрофлот» Москвадан Тошкентга парвозларни тикламоқда

20 майдан бошлаб Россиянинг «Аэрофлот» авиакомпанияси Москвадан (Шереметево) Тошкентга ва тескари йўналишда тўғридан тўғри мунтазам рейсларни йўлга қўяди, дейилади компания сайтида.

Парвозлар ҳар куни қуйидаги жадвалга мувофиқ амалга оширилади:

Москва - Тошкент
жўнаб кетиш — 19:45; етиб келиш - 01:45.

Тошкент - Москва
жўнаб кетиш — 03:45; етиб келиш - 06:10.

«Аэрофлот»нинг Москвадан тўғридан тўғри рейслари йўлга қўйилиши муносабати билан 21 майдан «Россия» авиакомпаниясининг Сочидан Тошкентга парвозлари бекор қилинди. Йўловчилар Москвадан рейсларга қайта рўйхатдан ўтказилади.

Бундан олдин Еврокомиссия Россиянинг 20та авиакомпаниясини қора рўйхатга киритганди.
 
Рўйхатдан «Аэрофлот», «Победа», «Россия», Utair, Smartavia, Nord Wind, «Уральские Авиалинии», «Сибирские авиалинии» каби авиакомпаниялар ўрин олди.