Қашқадарёда икки бола номаълум касалликдан вафот этди

6 ёшли қизалоқ бир неча кун аввал вафот этган 4 ёшли боланинг амакиваччаси бўлиб, улар бир ҳовлида яшашган. Шифокорлар уларнинг дардига ташхис қўя олмаган.

Фото: Kun.uz

Қашқадарё вилояти Ғузор туманида яна бир бола номаълум касалликдан вафот этди. У 2022 йил 20 июн куни номаълум касалликдан вафот этган 4 ёшли боланинг 6 ёшли амакиваччасидир. Қизалоқ сўнгги кунларда оғир аҳволда шифохонанинг жонлантириш бўлимига ётқизилганди.

Kun.uz манбасига кўра, шифокорлар аҳволи оғир бўлган болани бир неча кун давомида текшириб, у қандай дардга чалинганини аниқлай олмаган. Шунингдек, Самарқанд шаҳридан ёрдамга чақирилган шифокорлар ҳам болага аниқ ташхис қўя олмаган.

Орадан бир кун ўтиб, бола билан бир ҳовлида яшаган унинг амакиваччаси, 6 ёшли қизалоқнинг ҳам мазаси қочган ва у ҳам туман тиббиёт бирлашмасининг жонлантириш бўлимига ётқизилган.

Қариндошларининг хабар беришича, 23 июн куни тунда 6 ёшли қизча ҳам вафот этган.

Ғузорда 4 ёшли боланинг номаълум касалликдан вафот этгани юзасидан Соғлиқни сақлаш вазирлиги матбуот хизмати муносабат билдирган. Унга кўра, вазирлик томонидан малакали профессор-шифокорлардан иборат маxсус тиббий бригада тузилиб, зудлик билан Ғузор туманига юборилган.

«Мазкур ҳолатни ўрганиш ва вазиятга аниқлик киритиш мақсадида Соғлиқни сақлаш вазирлиги томонидан малакали профессор-шифокорлардан иборат маxсус тиббий бригада тузилиб, зудлик билан Ғузор туманига юборилди. Соғлиқни сақлаш вазирлиги бу ҳолатни ўз назоратига олган. Ўрганиш натижалари ҳақида батафсил маълумот берилади», дейилади ССВ муносабатида.

Қашқадарёда 4 ёшли бола номаълум касалликдан вафот этди