Хитой - Қирғизистон - Ўзбекистон темирйўлининг бошланғич йўналиши маълум бўлди

Хитой – Қирғизистон – Ўзбекистон темирйўли қурилиши Торугарт – Макмал – Жалолобод йўналиши бўйлаб ўтиши мумкин.

Фото: gov.kg

Бундай дастлабки йўналишни 28 июнь куни Қирғизистон Вазирлар Маҳкамаси йиғилишида транспорт ва коммуникациялар вазири Эркинбек Осоев тақдим этди.

Лойиҳанинг тегишли техник-иқтисодий асосларини ишлаб чиқиш жорий йилнинг декабрь ойида якунланади.

«Хитой - Қирғизистон - Ўзбекистон темирйўли қурилиши лойиҳаси ноёб лойиҳа бўлиб, биз уни амалга оширишга алоҳида эътибор қаратамиз. Тегишли давлат органлари ўз вақтида зарур тайёргарлик ишларини олиб бориши зарур», — деди бош вазир Оқилбек Жапаров.

Учрашувда бошқа инфратузилма лойиҳаларини қуриш масалалари ҳам муҳокама қилинди.

Хитой – Қирғизистон Ўзбекистон темирйўл линияси уч мамлакат темирйўлларини ва ундан кейин Форс кўрфази мамлакатлари, Туркия Республикасини Европа темирйўл тармоғи билан боғлаш учун мўлжалланган лойиҳадир.