Қўшимча функционаллар
-
Тунги кўриниш
5 сентябрдан Тошкент метросида поездлар интервали қисқартирилади
Тошкент метрополитени янги ўқув йили бошланиши муносабати билан эрталабки тиғиз вақтларда поездларнинг оралиқ интервали қисқартирилишини маълум қилди. 07:30–09:30 оралиғида поездлар “Чилонзор” йўналишида 2,5–3 дақиқа, “Ўзбекистон” йўналишида 3,5–4 дақиқа, “Юнусобод” йўналишида эса 5-6 дақиқа интервал билан ҳаракатланади.
Тошкент метрополитенининг кунлик йўловчилари сони 2021 йилга таққослаганда 150-200 минг нафарга ортиб, 450-480 мингни ташкил қилмоқда.
Сентябр ойидан метро хизматидан фойдаланувчилар сони кунига 500 минг нафардан ортиши кутиляпти. Бу ҳақда бугун АОКАда метрополитен мутасаддилари иштирокида бўлиб ўтган матбуот анжуманида маълум қилинди.
Қайд этилишича, ортиб бораётган юкламани қондириш учун Россиянинг “Метровагонмаш” компанияси ишлаб чиқарган яна 14 та янги ҳаракат таркиби сотиб олинади.
5 сентябрдан янги ўқув йили бошланиши муносабати билан шу кундан бошлаб эрталабки тиғиз вақтларда (07:30дан 09:30гача) поездларнинг оралиқ интервали қисқартирилади ва қуйидагича белгиланади:
- “Чилонзор” йўналишида 2,5–3 дақиқа;
- “Ўзбекистон” йўналишида 3,5–4 дақиқа;
- “Юнусобод” йўналишида 5-6 дақиқа.
Эслатиб ўтамиз, 16 августдан 5 сентябргача ер усти халқа йўли йўналишида поездлар ҳаракати техник сабаблар туфайли соат 05:00 дан 23:00 гача амалга оширилиши хабар қилинган.
