Озод этилган ҳудудлардаги украин ҳарбийлари, Миколайивда чўкиб кетган кема. Уруш суратлари

Украинада урушнинг 199-куни ўтди. Асосий маълумотлар:

Россия қўшини Изюмни тарк этди, Украина қуролли кучлари Купянск шаҳри эгалланганини расман маълум қилди. Купянск Изюмдаги Россия кучлари таъминотидаги муҳим пункт эди. Ижтимоий тармоқларда Украина қуролли кучлари Купянск ва Изюмга киргани, шунингдек Лиман ва Волчанскка ҳужум қилаётгани акс этган фото ва видеолар тарқалган.
Изюмдан чекинилаётгани ҳақида РФ мудофаа вазирлиги расман маълум қилди. Вазирлик талқинига кўра, гап «Россия кучларининг қайта гуруҳланиши» ҳақида кетмоқда. Харкив областидаги қўшинлар олиб чиқилаётгани «Донецк йўналишидаги саъй-ҳаракатларни кучайтириш» мақсади билан изоҳланди.
Тунга яқин Луҳанск областининг Лисичанск шаҳри яқинида жанглар бошлангани ҳақида хабарлар кела бошлади.
Украина қуролли кучлари томонидан озод этилган Харкив областидаги Гракове қишлоғида эксгумация ишлари бошланди. Украина бош прокуратураси бу ҳудудда ҳам россиялик ҳарбийлар тинч аҳоли вакилларини ўлдирганини гумон қилмоқда.
10 сентябр куни Володимир Зеленский ой бошидан буён Украина қуролли кучлари мамлакатнинг икки минг квадрат километрдан ортиқ ҳудуди озод этилгани ҳақида маълум қилди.
«Жануб» оператив қўмондонлиги маълумотига кўра, украин қўшини Херсон областида ҳам бир неча ўн километрга илгарилаган.
Киевга Германия ТИВ раҳбари Анналена Бербок ташриф буюриб, унинг мамлакати «бутун кучи» билан Украинани қўллаб-қувватлашини айтди.
Бу вақтда Москвада Шаҳар куни муносабати билан байрам салюти отилди. Пойтахтдаги 23 майдонда мушакбозликлар уюштирилган.

Қуйида 10 сентябр куни Украинанинг турли ҳудудларида олинган суратлар.

Херсонда болалар байрами