Ўзбекистон ва Швеция яшил иқтисодиёт соҳасида ҳамкорликни йўлга қўяди

Стокҳолмда инновация соҳасидаги Ўзбекистон-Швеция ҳамкорлиги истиқболлари муҳокама қилинди.

Фото: Shutterstock

Ўзбекистон муваққат ишлар вакили Нодир Ғаниев Швеция Тадбиркорлик ва инновациялар вазирлиги Аграр масалалар департаменти бош директори Йохан Крафт ҳамда Европа иттифоқи ва халқаро ҳамкорлик департаменти бошлиғи ўринбосари Кэролайн Торнемо билан учрашди, деб хабар бермоқда "Дунё".

Музокаралар чоғида инновация, рақамлаштириш, яшил иқтисодиёт ва ахборот технологиялари соҳасида Ўзбекистон-Швеция ҳамкорлигини йўлга қўйиш истиқболли йўналишлари муҳокама қилинди.

Ўзаро мулоқот чоғида Швеция инновациялар вазирлиги бўлинмалари Ўзбекистон вакиллари билан амалий алоқаларни ўрнатишдан манфаатдор экани билдирилди.

Ўзбекистон ва Швецияда инновация технологиялари ва иқтисодий сиёсат масалаларига бағишлаб ўтказиладиган халқаро конференция ва илмий-амалий тадбирларда икки мамлакат экспертлари иштирокини йўлга қўйиш ҳар икки томонга бирдек наф келтириши маълум қилинди.