Беларус Ўзбекистонга гўшт сотган давлатлар орасида биринчи ўринни эгаллади

2022 йил январь-август ойларида Ўзбекистонга 9 та давлатдан қиймати 141,9 млн АҚШ долларига тенг бўлган 32,8 минг тонна қорамол гўшти импорт қилинган.

Давлат статистика қўмитаси маълумотларига кўра, қорамол гўшти импорти ўтган йил мос даври билан солиштирилганда 13,8 минг тоннага ошган.

2022 йил 8 ойида Ўзбекистон энг кўп қорамол гўштини импорт қилган давлатлар рўйхатида Беларус биринчи ўринни эгаллаб турибди – 17,1 минг тонна.

Ушбу кўрсаткич қолган давлатлар кесимида қуйидагича кўриниш олди:

• Қозоғистон – 11,6 минг тонна;
• Бразилия – 1,4 минг тонна;
• Ҳиндистон – 967 тонна;
• Россия – 791 тонна.