Россия Грузия билан чегарада сафарбарлик пункти очмоқчи

Қайд этилишича, республика Ички ишлар вазирлиги раҳбари «Юқори Ларс» назорат-ўтказиш пунктида йиғилиш ўтказган, натижада «фуқароларнинг чегарадан пиёда ўтишига ҳам рухсат бериш тўғрисида қарор қабул қилинди», дейилади хабарда.

Бу пункт орқали кўплаб руслар сафарбарликдан қочиб, мамлакатни тарк этишга ҳаракат қилмоқда. Ички ишлар вазирлиги баёнотида таъкидланишича, «Грузия томон ҳаракатланаётган енгил автомашиналар оқими жиддий равишда ошиб бормоқда» ва «ЙПХ ҳамда ППХнинг тун-у кун ишлаётган нарядлари сони кўпайишига қарамай, ниҳоятда кескин вазият сақланиб қолмоқда».

Бундан олдин Россия Федерал хавфсизлик хизмати (ФХХ) Грузия билан чегарадош Шимолий Осетиядаги «Юқори Ларс» чегара пунктига ҳарбий хизматчилар билан зирҳли транспортёр жўнатганди. 

ТАСС агентлигининг хабар беришича, 26 сентябр куни тушдан кейин Россия ва Грузия чегарасида уч ярим мингга яқин автомобиль тўпланиб қолган. Гувоҳларнинг сўзларига кўра, тирбандлик 20 километрга чўзилган.

Россия президенти Владимир Путин сафарбарлик эълон қилганидан кейин россияликлар мамлакатни фаол тарк эта бошлади. Сайёҳлар учун очиқ бўлган мамлакатларга парвозлар учун чипталар деярли тўлиқ сотиб бўлинди, қуруқлик чегараларида кўп километрлик тирбандликлар пайдо бўлди. 

Медуза'нинг президент маъмуриятига яқин манбалари 28 сентябр куни эркаклар учун чегарани кесиб ўтишга чекловлар жорий этилиши мумкинлигини маълум қилди.