ЖЧ-2022. Нидерландия АҚШни мағлуб этиб, дастлабки чоракфиналчига айланди

Нидерландия миллий жамоаси АҚШга қарши саф тортиб, ишончли ғалабага эришди. Депай ва Блинд 1-таймдаги голлари эвазига нидерландларни танаффусга ғолиб сифатида олиб чиққан бўлса, 76-дақиқада америкаликлар форварди Ҳожи Амир Райт ўйинга интригани қайтаргандек эди – 2:1.

Аммо 81-дақиқада катта саҳнага яна Думфрис чиқди. Жамоасининг дастлабки икки голига ассистентлик қилган ҳимоячи бу сафар таблога ўз номини ёзиб қўйди – 3:1.

Шу тариқа, Луи ван Гал шогирдлари ЖЧ-2022да дастлабки чоракфинал йўлланмасини қўлга киритди. АҚШ эса турнир билан хайрлашди. Нидерландлар 1/4 финалда Аргентина – Австралия ўйини ғолибига қарши саф тортади.

ЖЧ-2022. 1/8 финал. 3 декабрь
Нидерландия – АҚШ – 3:1
Голлар: 1:0 – 10 Депай, 2:0 – 45 Блинд, 2:1 – 76 Райт, 3:1 – 81 Думфрис.
Нидерландия – Нопперт, Думфрис, ван Дейк, Аке, Тимбер, Блинд, де Рон (Бергвейн, 46), Классен (Копмейнерс, 46), де Йонг, Депай (Симонс, 83), Гакпо.
АҚШ – Тернер, Дест (Йедлин, 75), Рим, Циммерман, Робинсон, Адамс, Маккенни (Райт, 67), Муса, Пулишич, Веа (Ааронсон, 67), Феррейра (Рейна, 46).
Огоҳлантиришлар: Копмейнерс (60), де Йонг (87).