Ўзбекистонлик велопойгачи Анна Куликова допинг туфайли дисквалификация қилинди
Унинг допинг-синамасида тақиқланган модда борлиги аниқланган.
Ўзбекистонлик велопойгачи Анна Куликова допинг туфайли дисквалификация қилинди, деб хабар берди Ўзбекистон Миллий антидопинг агентлиги.
Қайд қилинишича, 2022 йил 25 октябр куни спортчи Куликовадан мусобақадан ташқари ҳолатда допинг синама олинган. Таҳлил натижаларига кўра, велопойгачи намунасида Бутунжаҳон антидопинг агентлиги томонидан тақиқланган рўйхатга киритилган «Метастерон» моддаси аниқланган.
Шу асосда Анна Куликова Ўзбекистон Миллий антидопинг агентлиги ҳузуридаги Ахлоқ бўйича комиссия қарорига кўра, 2 йил муддатга дисквалификация қилинган. Энди у 2024 йил 26 декабр кунига қадар мусобақаларда иштирок этолмайди.
Қайд қилиш жоизки, 21 ёшли Анна Куликова 2022 йилда Душанбе шаҳрида ўтказилган ёшлар ўртасидаги Осиё чемпионати ғолиби саналади.
Мавзуга оид
19:53 / 16.09.2024
Ўзбекистон АҚШ билан божхона соҳасидаги ҳамкорликка оид битимни имзолади
20:49 / 02.09.2024
Россиянинг Ўзбекистондаги элчиси республика билан алоқаларнинг ривожланиши ҳақида гапирди
19:08 / 07.08.2024
Оғир атлетика бўйича Ўзбекистон чемпиони допинг туфайли дисквалификация қилинди
20:37 / 31.07.2024