Виктор Медведчук Москвада яшаётгани маълум бўлди

Фото: ТАСС

Путиннинг Украинадаги одами экани айтилган ва ўтган йил 12 апрел куни қўлга олинган украиналик россияпараст сиёсатчи Виктор Медведчук Москвада яшаётгани маълум бўлди. Бу ҳақда унинг ўзи «Биринчи канал»га берган интервюсида айтди.

«Авваллари Москвага турли сабаблар билан одатда бир кунга келардим. Эрталаб келиб, кечаси қайтардим. Ҳозир эса доимий Москвада яшаяпман», деган Медведчук.

Россия президенти Владимир Путиннинг Украинадаги одами экани айтиладиган Виктор Медведчук 2022 йил 21 сентябр куни асирлар алмушинуви доирасида Мариупол ҳимоячилари бўлган «Азов» полкининг 5 нафар қўмондонига алмашилганди. Турк нашрлари бу алмашув Россия томонининг ташаббуси билан амалга оширилгани ҳақида ёзганди.