Ўзбекистон шахмат жамоаси Осиёда энг яхшиси деб эътироф этилди

Фото: Uzbekistan Chess Federation

Абу-Даби шаҳрида Осиё шахмат федерацияси томонидан ўтказилган Asian Chess Summit 2023 доирасида 5th Annual Asian Chess Excellence Awards тақдирлаш маросими бўлиб ўтди.

Ўзбекистон шахмат Федерацияси уч номинацияда ғолибликни қўлга киритди:
1. Йилнинг энг яхши терма жамоаси (National Team of the Year) — Ҳиндистоннинг Ченнай шаҳрида ўтказилган 44-Бутунжаҳон шахмат олимпиадасида ғолиб чиққани учун.

2. Йилнинг энг яхши ёшлар терма жамоаси (National Youth Team of the Year) — 2022 йил Озарбойжонда ўтган Бутунжаҳон ўсмирлар шахмат олимпиадасида кумуш медални қўлга киритгани учун.

3. Йилнинг энг яхши Рапид ўйинчиси (Rapid Player of the Year) — Нодирбек Абдусатторов.

#Осиё #шахмат